大起大落的晚上

上星期四一晚之內聽到一個壞消息、一個好消息，心情大起大落到無法平復，結果那瓶已經封塵的安眠藥又要出動．

壞消息係大病初癒從新投入工作不久的EX，星期三晚開工其間發生意外，佢本人就無受傷，不過就搞到個客入左ICU，宜家俾公司停職，出事當日仲要係佢生日，我真的可以理解佢宜家個心情有幾壞，自己生日居然要响警局度過．

好消息係閨中密友嫁杏有期，仲要我擔任伴娘一職，答應左之後先發現有兩條重要問題未確定 -

問題1 - 當然係我對手 (即係伴郎) 係邊個先？ 係咪靚仔先 (靚仔吾靚仔都好，佢係要變心就會變．當然要個靚仔喇，最起碼都有視覺享受先ar ma)？ 最重要佢係咪Single and available先？雖知道MBA (Married but available) 絕對吾係我杯荼囉！

問題2 – 我擔任伴娘，咁…  有邊幾個擔任姐妹先？ 準新娘子應該知道我哋之間有位叫 ”拍檯” 由於此女子一有少少吾合佢心意就會拍檯, 她的外號由此得來．老實嗰句，真係吾想拍佢，佢最鐘意彈人ｄ野，lee樣吾得過樣吾好，正宗的百彈齋齋主，拍佢實出事．　準新娘子又吾係未交領教過佢ｄ好野呀！